धाराशिव न्यूज रिपोर्टर विजय पिसे जळकोट
तुळजापूर तालुक्यातील जळकोट येथे दि.26 नोव्हेंबर वार बुधवार रोजी श्री कुलस्वामिनी प्राथमिक, माध्यमिक व उच्च माध्यमिक आश्रमशाळा येथे भारतीय संविधान दिन व पालक मेळावा उत्साहात संपन्न झाला .कार्यक्रमाचे सुरवात डॉ.बाबासाहेब आंबेडकर यांच्या प्रतिमेचे व संविधानाचे पूजन महात्मा फुले शिक्षण प्रसारक मंडळ जळकोट चे सचिव तथा प्राचार्य संतोष चव्हाण साहेब अलियाबाद नगरीचे पोलिस पाटील शिवाजी चव्हाण , विनायक चव्हाण , प्राथमिक आश्रम शाळेच्या मुख्याध्यापिका श्रीमती आशा पवार मँडम श्री कुलस्वामिनी माध्यमिक आश्रम शाळेचे शिक्षक नागेंद्र गुरव सर, उमेश लोखंडे आदी मान्यवरांच्या हस्ते संपन्न झाले.
तसेच 26/11 मुंबई हल्ल्यात शहीद झालेल्या जवानांना शाळेतर्फे भावपूर्ण श्रद्धांजली अर्पण करण्यात आली.
याप्रसंगी प्रस्ताविक प्रा.अप्पासाहेब साबळे सर यांनी भारतीय संविधान निर्मितीचा इतिहास लोकशाहीच्या मजबुती करीता संविधानाचे असणारे महत्त्व विषद करून सर्वांनी संविधानाचे पाईक व्हावे अशी अपेक्षा व्यक्त केली.
सदर कार्यक्रमात इतर मागास बहुजन कल्याण विभागाने दिलेल्या सुचनेनुसार पालक मेळावाही मोठ्या उत्साहात साजरा करण्यात आला.
प्रारंभी सर्व पालकांचे गुलाब पुष्प देऊन यथोचित स्वागत करण्यात आले.
या मेळाव्यात नागेंद्र गुरव सर यांनी संविधान दिनाचे महत्व सांगितले
शेवटी अध्यक्षीय समारोप करताना संतोष चव्हाण साहेब यांनी संविधानाचे पालन, डाँ. बाबासाहेब चे योगदान,शिक्षण प्रक्रियेमध्ये शिक्षक विद्यार्थी पालक यांच्यात सुसंवाद असल्याशिवाय शैक्षणिक प्रगती होऊ शकत नाही पालकांनी आपल्या मुलांकडे लक्ष दिले पाहिजे शैक्षणिक प्रगती बरोबरच त्यांच्या संस्काराकडेही लक्ष द्यावे असे सागितले मराठी भाषा पेटी,गणित पेटी, इंग्रजी पेटीतील प्रत्येक साहित्याचा अध्यापनातील उपयोग पालकासमोर दाखविण्यात आले पालक खेळाचे साहित्य, मराठी, गणित,इंग्रजी विषयाचे पेटीतील साहित्य बघुन समाधान व्यक्त केले.
सदर कार्यक्रमाचे सुत्रसंचालन प्राध्यापिका अश्विनी लबडे मँडम आभार प्रदर्शन किरण कांबळे सर यांनी मानले या कार्यक्रमाला शिक्षक विद्यार्थी व बहुसंख्येने पालक उपस्थित होते.
