जळकोट येथे चोरटयाचा हैदोस ; ६५ वर्षीय वृद्ध महिलेचा मृत्यू

(नागरीका मध्ये भितीचे वातावरणआज्ञात इसमाविरोधात गुन्हा नोंद)
धाराशिव न्युज रिपोर्टर विजय पिसे जळकोट

तुळजापूर तालुक्यातील जळकोट येथे दिनांक २१ नोव्हेंबर च्या पहाटे अंदाजे दोन ते चार वाजेच्या दरम्यान अंबिकानगर मध्ये घरी एकटीच राहत असलेल्या कै.सुभद्राबाई रामशेट्टी पाटील वय 65 वर्षे यांचा अज्ञात दरोडेखोरांनी घरात प्रवेश करून वृध्द महिलेशी झटापट करून घरातील रोख रक्कम, गळयातील सोने, हातातील पाटल्या असा ऐवज तर नेलाच शिवाय दरडोखोरांनी वृद्ध महिलेचा नाक व तोंड दाबून खून करून पलायन केल्याने जळकोटमध्ये खळबळ उडाली असून नागरिकांमध्ये दहशतीचे वातावरण निर्माण झाले आहे.

याबाबत थोडक्यात माहिती अशी की वृद्ध महिलेच्या घराशेजारी राहणाऱ्या महिलेने रोज सकाळी लवकर उठून झाडलोट करणारी सुभद्राबाई पाटील या अजून कशा उठल्या नाहीत याचा कानोसा घेण्यासाठी त्यांच्या दरवाज्याकडे गेल्यानंतर दरवाजा उघडाच असल्याचे व अन्य साहित्य, पेटी, कपडे अस्ताव्यस्त पडलेले दिसून आलेच शिवाय समोरच सुभद्राबाई साडी कमरेपर्यंत वर सरकलेल्या अवस्थेत उताणी पडलेल्या दिसून आल्याने त्यांनी अवघ्या पन्नास फुटावर राहत असलेल्या सुनेला याची कल्पना दिल्याने सून महादेवी पाटील यांनी सासू रहात असलेल्या घराकडे धाव घेतली असता सासुबाई ह्या निपचीत पडल्याचे दिसुन आली ‘ त्यांना आवाज दिला हालचाल काहीच दिसेना त्या मृत्य झाल्या ही खात्री झाल्या नंतर अन्य लोकांना याची माहिती होताच घटनास्थळी गर्दी जमा झाली. या संदर्भात पोलिसांना खबर देण्यात आली . सदर घटनेची माहीती मिळाताच तात्काळ नळदूर्ग पोलिसांनी संबंधित घटनास्थळी धाव घेऊन पाहणी केली असता दरोडेखोरांनी लूट करून वृद्ध महिलेचा खून केल्याचे दिसून आल्याने वरिष्ठांना कल्पना देण्यात आली . व धाराशिव येथील गुन्हा अन्वेषण विभागाची संपूर्ण टिम व श्वान पथक

फॅरेन्सीक लॅब्लची संपूर्ण टिम ठसे तज्ञ याना बोलविण्यात आले संबधीत यंत्रणेद्वारे संपूर्ण घराची पाहणी करण्यात आली . पण मात्र काही ठोस सुगावा लागला नाही .सदर घटनेचा शासकीय पंचासमक्ष पंचनामा करण्यात आला . त्यानंतर मयत सुभ्रद्राबाई याचे प्रेत जळकोट येथील प्राथमिक आरोग्य केंद्रात शवविच्छेन करण्यासाठी पाटविण्यात आले त्यावर वैदयकीय आधिकारी डॉ हासरा शेख यांनी शवविच्छेदन केले त्यानंतर प्रेत नातेवाईकांच्या ताब्यात देण्यात आले .सदरच्या चोरट्यानी नाक तोंड दाबून मारल्याने श्वास गुदमरून मरण पावल्याचे डॉक्टर यांनी सांगितले . सायकांळी पाच वाजता शोकाकूल वातावरणात अंत्यविधी करण्यात आला.
सदर प्रकरणी रात्री उशिरा आज्ञात इसमाविरोधात राहूल रामशेटी पाटील यांच्या फिर्यादी वरून नळदुर्ग पोलीस ठाण्यात कलम १०३ ( १) ३३१ ( ८ ) ३०५ प्रमाणे गुन्हा नोंद करण्यात आला असून पुढील तपास पोलीस निरीक्षक सचीन यादव साहेब यांच्या मार्गदर्शनाखाली सपोनि सोळूंखे साहेब, सपोनि आनंद कागुणे, पोलीस उपनिरिक्षक ईश्वर नांगरे पाटील, गिते साहेब ,बिट आमलदार पद्माकर गायकवाड, धनराज कुंभार साहेब आदी करित असून आरोपीचा तात्काळ शोध घ्यावा अशी मागणी नागरीकातुन होत आहे.