धाराशिव न्यूज रिपोर्टर विजय पिसे जळकोट
वंदे मातरम या गीताला दीडशे वर्षे पूर्ण झाले. इंग्रजांना सोळो की पळो करून सोडणारे हे गीत आज सुद्धा आपल्या शरीरात मातृभूमीच्या प्रेमाचा संचार करते. वंदे मातरम च्या सार्थ शताब्दीचा महोत्सव संपूर्ण राज्यात ३५८ तालुक्यात व सर्व जिल्हा मुख्यालयात आज साजरा करण्यात आला. नऊ वाजून पन्नास मिनिटांनी संपूर्ण महाराष्ट्रात नव्हे तर देशातच आज वंदे मातरम या गीताने समूह गायन करण्यात आले. वंदे मातरमच्या मुख्य गायिका म्हणून आकाशवाणी परभणी येथील मोहिनी कुलकर्णी यांनी आपल्या आवाजाने सर्वांना मंत्रमुग्ध केले. शहरातील अनेक शाळांनी यात सहभाग नोंदवला. दहा हजार विद्यार्थ्यांनी एका सुरात या गीताचे गायन केले. यावेळी अनेक स्वातंत्र्य सैनिकांचे पाल्य यांना गहिवरून आले. कु. अनुजा भगवान जाधव या तेरा वर्षाच्या मुलीने केलेल्या भाषणामुळे सर्वात जोश निर्माण झाला.
या कार्यक्रमासाठी प्रमुख वक्ते म्हणून अँड. रवींद्र कदम यांनी आपल्या संबोधनातून विद्यार्थ्यांना मंत्रमुग्ध केले. यावेळी जिल्हा परिषदेचे अतिरिक्त मुख्य कार्यकारी अधिकारी काळे, सोलापूर मनपाचे प्रशासकीय अधिकारी मल्हार माने, गट विकास अधिकारी नलवडे, उपशिक्षणाधिकारी होळकर, नायब तहसीलदार शिंदे, गटशिक्षणाधिकारी अब्रार शेख, संस्था व्यवस्थापन समितीचे अध्यक्ष संजय देशमाने, माहिती अधिकारी खडसे, जिल्हा व्यवसाय शिक्षण व प्रशिक्षण अधिकारी प्रवीण औताडे, प्राचार्य मारुती बिरादार तसेच अनेक अधिकारी उपस्थित होते.
या कार्यक्रमासाठी कमलाकरबापु पाटील, गजानन चौगुले महाराज, युवराज बप्पा नळे, विष्णु इंगळे, ,अतुल अजमेरा, महेशजी वडगावकर, योगेश थोरमोठे, अंजली बेताळे यांची तालुकास्तरीय समिती नेमण्यात आलेली होती.
या कार्यक्रमाची सुरुवात दीपप्रज्वलनाने झाली. भारत माता व गीताचे लेखक बंकिमचंद्र चटोपाध्याय यांच्या प्रतिमेचे पूजन झाले. यानंतर वंदे मातरम चे समूह गायन झाले. श्रीपतराव भोसले हायस्कूलच्या विद्यार्थ्यांनी लघु नाटिका सादर केली. 150 वर्षे वंदे मातरम च्या मानवी साखळीने सर्वांचे लक्ष वेधून घेतले.गणवेशात एका हाताचे अंतर घेऊन उभे असलेले विद्यार्थी, लक्षणीय असलेली विद्यार्थिनींची संख्या, हातात तिरंगे झेंडे आणि वंदे मातरमचा जयघोष यामुळे आसमांत दुमदुमून निघाला.
या कार्यक्रमानिमित्ताने झालेल्या निबंध स्पर्धा, वक्तृत्व स्पर्धा, गायन स्पर्धा यातील गुणवत्ता प्राप्त विद्यार्थ्यांना प्रमाणपत्र वाटप करण्यात आले. यातील सहभागी शाळांसाठी पिण्याच्या पाण्याची व प्रथमोपचाराची सोय करण्यात आलेली होती. उपस्थित सर्व शाळांना सहभाग प्रमाणपत्र वाटप करण्यात आले.
या कार्यक्रमाचे सूत्रसंचालन शिवाजी चव्हाण, किरण झरकर, मनोज चौधरी, भगवान जाधव यांनी केले. या कार्यक्रमासाठी फत्तेसिंह जगताप, सखाराम राऊत,प्रकाश गाडेकर, बाळासाहेब जाधव, महारुद्र पिसे, आतिश सुरवसे, दिपक गुडे, बालाजी वाघमारे, भगवान जाधव, अर्जुन माने, सुशांत शिंदे, कैलास नाईक, राजेंद्र सुतार, शमशुद्दिन शेख, सचिन कुलकर्णी, देविदास येलगुंडे, माधव ढोकळे, जाधवर के ए.,राधिका मुगळे, पूनम जेउघाले, कल्याणी भोसले, श्रुतिका यादव, आशिष नितळीकर इत्यादींनी मेहनत घेतली.
