धाराशिव न्युज रिपोर्टर विजय पिसे जळकोट
तुळजापूर तालुक्यातील जळकोट येथील
आपल्या ५० वर्षाच्या राजकीय कार्यकाळात जळकोट गावच्या विकासात भरीव योगदान दिलेले माजी सरपंच, तुळजाभवानी व कुलस्वामिनी सहकारी संस्थेचे संस्थापक संचालक , पार्वती कन्या प्रशालेचे संस्थापक कै. बंकटराव(बापू)कदम यांच्या प्रथम पुण्यस्मरण दिनानिमित्त जळकोट गावानजिकच्या मुंबई – हैदराबाद महामार्गावरील हंगरगा (नळ ) मोडला कै. बंकटराव(बापू)विठोबा कदम बापू चौक – नगर असे नामकरण करण्यात आले आहे. या फलकाचे अनावरण वारकरी संप्रदायातील शंकर( काका) वाडीकर यांच्या हस्ते करण्यात आले. माजी सरपंच कै. बंकटराव(बापू) कदम यांच्या कार्यकाळात जळकोट गावचा झालेला विकास हा न विसरता येण्यासारखा आहे. गावातील तरुणांनी पुढाकार घेऊन त्यांच्या प्रथम स्मृतीदिनानिमित्त त्यांच्या कार्याला उजाळा मिळावा. यासाठी हंगरगा मोडचे नामकरण करण्यात आले आहे. या नव्या नगराच्या माध्यमातून भावी पिढीला प्रेरणा मिळणार आहे. अशा वेगळ्या पद्धतीने कै. बंकटराव (बापू) कदम यांना आदरांजली वाहण्यात आली. यावेळी प्रभाकर( काका) कदम, रणजीत पाटील, नागराज(दाजी)जाधव, प्रकाश सावंत, निवृत्ती कदम, राहुल पाटील,गणेश कदम,सुदीप चौधरी, बालाजी पालमपल्ले, सचिन माळगे, प्रशांत बिराजदार, अजिंक्य माने, अभिजीत कवठे, वैभव स्वामी, नितीन मोरे, हनुमंत जाधव, विशाल(अप्पा) कदम, प्रथमेश पालमपल्ले, आशुतोष चुंगे, सिद्धेश्वर सुरवसे, विजय धरणे, ओंकार कोळी आदि युवक, ग्रामस्थ उपस्थित होते.
