spot_img
4.6 C
New York
Sunday, November 30, 2025

Buy now

spot_img
spot_img
spot_img

नळदुर्ग नगरपालिका निवडणूक : छमाबाई धनराज राठोड यांचा उमेदवारी अर्ज दाखल

नळदुर्ग ( सतीश राठोड ) :-

नळदुर्ग नगरपालिका सार्वत्रिक निवडणुकीत प्रभाग क्रमांक १ मधून सर्वसाधारण महिला प्रवर्गासाठी छमाबाई धनराज राठोड यांनी आज, रविवार दि. १६ नोव्हेंबर रोजी आपला उमेदवारी अर्ज दाखल केला.
अर्ज दाखल करण्यासाठी छमाबाई राठोड या सकाळीच समर्थकांसह नगरपालिकेत दाखल झाल्या. अर्ज दाखल प्रक्रियेदरम्यान संबंधित निवडणूक निर्णय अधिकारी आणि सहाय्यक अधिकाऱ्यांच्या उपस्थितीत सर्व कागदपत्रांची पडताळणी करण्यात आली. आवश्यक सर्व औपचारिकता पूर्ण केल्यानंतर त्यांच्या अर्जाची नोंद अधिकृतरित्या करण्यात आली.
छमाबाई राठोड यांनी माध्यमांशी बोलताना सांगितले की, “प्रभाग क्रमांक १ चा सर्वांगीण विकास, महिलांच्या सक्षमीकरणासाठी उपयुक्त योजना राबविणे, स्वच्छता, पाणीपुरवठा व मूलभूत सुविधांमध्ये सुधारणा हे माझे मुख्य प्राधान्य राहील. जनतेने माझ्यावर विश्वास दाखविला तर विकासाची नवी दिशा प्रभागाला देण्याचा मी प्रयत्न करणार आहे.” यावेळी लक्ष्मण जाधव, शेखर जाधव,सुरेश राठोड, प्रवीण राठोड, लखन राठोड, जयश्री चव्हाण, रेखा प्रवीण राठोड सह उपस्थित कार्यकर्त्यांनी छमाबाई राठोड यांच्या अर्ज दाखल केल्याबद्दल आनंद व्यक्त करत निवडणुकीत त्यांना मोठे बहुमत मिळेल असा विश्वास व्यक्त केला. प्रभाग क्रमांक १ मध्ये यंदाची निवडणूक चुरशीची होण्याची शक्यता व्यक्त केली जात आहे.

- Advertisement -

Related Articles

ताज्या बातम्या