तुळजापूर प्रतिनिधी –
श्री तुळजाभवानी मंदिर संस्थानतर्फे भाविकांच्या सोयीसाठी प्रसाद सेवा सुरू करण्यात येत आहे. या प्रसाद सेवेचा उद्घाटन समारंभ शुक्रवार, दिनांक २५ जुलै २०२५ रोजी सकाळी ७:३० वाजता मंदिर परिसरात उत्साहात पार पडणार आहे.
या उद्घाटन सोहळ्याचे उद्घाटन जिल्हाधिकारी तथा मंदिर संस्थानचे अध्यक्ष किर्ती किरण पुजार यांच्या हस्ते होणार आहे.
भाविकांना दर्जेदार व सुलभ सेवा देण्याच्या दृष्टिकोनातून प्रसाद सेवा सुरू केली जात असून, या उपक्रमामुळे मंदिरात येणाऱ्या भाविकांसाठी प्रसाद सेवा आनंददायी व भक्तिमय ठरणार आहे.
या उद्घाटन समारंभास श्री तुळजाभवानी देवीच्या भक्तांनी मोठ्या संख्येने उपस्थित राहावे व कार्यक्रमाची शोभा वाढवावी, असे आवाहन संस्थानचे विश्वस्त तथा व्यवस्थापक (प्रशासन) अरविंद बोळंगे यांनी केले आहे.
- Advertisement -
